Mae Heddlu’r Gogledd yn apelio am dystion yn dilyn damwain ffordd ddifrifol ger Llanrwst heddiw.
Cafodd pedwar o bobol eu hanafu yn y ddamwain ddigwyddodd ychydig cyn hanner dydd ger Gwesty Abaty’r Maenan ar yr A470.
Cafodd gyrrwr car VW Golf arian a gyrrwr Vauxhall Astra glas eu hanafu’n ddifrifol ar ol i’r ddau gar wrthdaro.
Mae’r ffordd rhwng Llanrwst a Tal-y-Cafn ynghau ac nid oes disgwyl iddi ail-agor am rai oriau, yn ôl yr heddlu.
Mae’r heddlu’n apelio ar unrhyw un a welodd y ddamwain i gysylltu â nhw ar 101.
