Mae dyn wedi marw ac un arall wedi cael ei anafu yn ddifrifol mewn damwain ger Y Felinheli ger Bangor neithiwr.
Bu i ddau gar wrthdaro ar y B4547 ychydig cyn 6:30 nos Fercher.
Roedd y dyn a fu farw yn teithio mewn Ford KA.
Dywedodd Steve Roberts o Heddlu’r Gogledd “Fe allwn gadarnhau fod dyn oedd yn teithio yn y car wedi cael anafiadau angheuol.
“Mae’r gyrrwr arall wedi cael anafiadau difrifol iawn ac mae’n cael triniaeth yn Ysbyty Gwynedd.”
Gofynnir i unrhyw un welodd y ddamwain i gysylltu â’r heddlu ar 101.
