Cerddwr mewn cyflwr ‘sefydlog’ wedi damwain Pen-y-bont

Mae’r cerddwr a gafodd ei daro gan gar wrth iddo groesi ffordd ym Mhen-y-bont, mewn cyflwr sefydlog yn yr ysbyty.

Heddiw, fe ddaeth cadarnhad gan Heddlu De Cymru fod y dyn wedi’i anafu’n ddifrifol ddoe, wedi’r gwrthdrawiad ar briffordd yr A4061.

Fe gafodd y cerddwr ei gludo gan Ambiwlans Awyr Cymru i Ysbyty’r Brifysgol yng Nghaerdydd.

Roedd y car Volkswagen Golf lliw gwyn, yn gyrru o gyfeiriad Ffordd Quarella tuag at ganol y dre’, pan ddigwyddodd y ddamwain. Mae Heddlu De Cymru yn apelio ar i dystion ddod ymlaen gydag unrhyw wybodaeth berthnasol.