Bonnie Rose Clarke
Mae Heddlu Gwent yn gofyn i unrhyw un sydd â gwybodaeth am ferch 14 sydd ar goll o’i chartre’ ers dydd Mercher diwetha’, i gysylltu â nhw.
Fe gafodd Bonnie Rose Clarke ei gweld ddiwetha’ yn ardal Casnewydd, nos Fercher, Awst 13.
Mae hi’n ferch wen, o daldra 5 troedfedd chwe modfedd. Mae ganddi wallt hir, tywyll, a’r tro diwetha’ iddi gael ei gweld, roedd hi’n gwisgo top efo print llewpard arno, trowsus byr gwyn, ac esgidiau fflat o liw llwyd.
Gall unrhyw un sydd wedi ei gweld gysylltu â Heddlu Gwent ar y rhif 101.
