Mae Heddlu’r Gogledd yn apelio am wybodaeth am ddyn 69 oed o Wrecsam sydd ar goll.
Diflanodd David Clwyd Davies o ardal Parc Trefynant yn Acrefair.
Cysylltodd cymydog â’r heddlu gan nad oedden nhw wedi’i weld ers prynhawn dydd Sadwrn, Ebrill 6.
Mae’n 5’11” o daldra, yn fawr o ran maint a chanddo farf drwchus.
Mae’n bosib ei fod e’n gwisgo jîns, crys gwlannog a het wlân.
Dywedodd y Detectif Arolygydd Arwyn Jones: “Rydym yn bryderus o hyd am ddiflaniad Mr Davies ac rwy’n apelio ar unrhyw un sydd wedi’i weld e neu sy’n gwybod ble mae e i gysylltu â ni.
“Gofynnaf i Mr Davies yntau i gysylltu â’r heddlu os yw’n medru gwneud hynny, i gadarnhau ei fod o’n fyw ac yn iach.”
Dylai unrhyw un â gwybodaeth gysylltu â Heddlu’r Gogledd ar 101 neu Taclo’r Tacle ar 0800 555 111.
