Mewn rhaglen arbennig i ddathlu straeon lleol gan bobol leol ar y gwefannau bro, cyhoeddwyd enillwyr Gwobrau Bro360 heno (nos Iau 28 Ionawr).
Gwobrau Bro360: yn fyw
Roedd y Gwobrau yn rhoi sylw i erthyglau, fideos ac orielau sydd wedi’u creu ar y gwefannau bro yn ystod 2020, yn ogystal â dathlu esiamplau o wneud gwahaniaeth yn lleol.
Er gwaethaf Covid – neu efallai o’i herwydd – mae’r defnydd o’r 7 gwefan fro sy’n dod dan adain Bro360 wedi gweld cynnydd sylweddol dros y flwyddyn, wrth i bobol droi fwyfwy at eu milltir sgwâr.
Ac yn ogystal â mwynhau darllen a gwylio’r arlwy leol, mae pobol leol wedi bod yn creu – gan gyhoeddi 1299 o straeon ar draws y 7 gwefan yn 2020.
Dyma gyhoeddi enillwyr y 10 categori:
‘Stori codi gwên’ y flwyddyn
Yn ennill: Steffan Nutting, am ei gyfweliad â’i fam Mair ar ôl iddi ddenu sylw Peter Crouch am ei sgiliau pêl-droed!
Fideo y flwyddyn
Yn ennill: Nel Pennant Jones, am ei fideo’n edrych ar y rhesymau dros ddewis y coleg neu’r chweched dosbarth, gyda rhai o’i chyfoedion.
Coleg neu Chweched Dosbarth?
Oriel luniau y flwyddyn
Yn ennill: William Howells, am ei 4 stori yn edrych nôl ar ymweliadau’r Eisteddfod Genedlaethol ag Aberystwyth dros y ganrif diwethaf.
Yr Eisteddfod Genedlaethol yn Aberystwyth: Golwg yn ôl 1/4 #AtgofGen
Cyfranogwr y flwyddyn
Mae pob cyfranogwr yn enillydd, ond yn cipio’r wobr eleni mae Dylan Lewis am ei waith yn creu, ysgogi ac arwain y gad gyda Clonc360.
Crëwr ifanc y flwyddyn
Esiampl orau o wneud gwahaniaeth
Yn ennill: Eisteddfod Capel-y-groes, am gynnal Eisteddfod Ddigidol Gynta’r Byd ar ddechrau’r pandemig, gan roi’r ysbrydoliaeth i fudiad cenedlaethol yr Urdd gynndal Eisteddfod T yn ddiweddarach.
Eisteddfod leol ddigidol gynta’r byd!
Stori leol orau gan golwg360
Yn ennill: Lleu Bleddyn, am fynd â chwestiynau’r bobol at arweinydd Cyngor Sir Ceredigion a’i holi am ddatblygiadau’r coronafeirws yn y sir ar adeg dyngedfennol.
Ellen ap Gwynn yn ateb eich cwestiynau am ysgolion, pecynnau bwyd a chau ffiniau Ceredigion
Hyrwyddwyr gorau
Yn ennill: Clonc360
Cynnydd mewn cyfranogwyr
Yn ennill: BroAber360
Barn y bobol – eich hoff straeon chi
BroAber360: Gwilym Jenkins am ei stori ‘Plwy tecach y plwyfi‘
BroWyddfa360: Nel Pennant Jones am roi hanes ailddechrau band wedi i Covid dawelu Deiniolen
Caernarfon360: Erin Bryfdir am rannu ei phrofiadau fel nyrs yn ystod yr argyfwng
Caron360: Enfys, Megan a Zara am fideo’n esbonio pam mai ‘Twll o le yw Tregaron i gynnal Eisteddfod‘!
Clonc360: Dylan Lewis, am y stori ‘Anrhydeddu pencampwraig y peli, gog gweithgar a chloncen brysur‘
DyffrynNantlle360: Begw Elain, gyda’i fideo’n darlunio sut roedd Covid yn effeithio ar chwaraewyr Nantlle Vale
Ogwen360: Beca Nia, un o fynychwyr Cwrs Gohebwyr Ifanc Bro360, am ei fideo’n dangos sut mae bywyd myfyrwyr wedi newid!
Gallwch wylio’r Gwobrau unhryw bryd, a mynd i’r gwefannau bro i ddarllen, gwylio a gwrando ar y straeon diweddaraf gan bobol ardaloedd Arfon a Cheredigion.
