Mae teyrngedau lu wedi cael eu rhoi i gyn-Ysgrifennydd Gwladol Cymru, y Fonesig Cheryl Gillan AS, fu farw ar ôl salwch dros gyfnod hir.
Dywedodd Prif Weinidog y DU Boris Johnson ei fod yn “golled enfawr.”
Roedd hi’n 68 oed.
Roedd hi’n Ysgrifennydd Gwladol Cymru am ddwy flynedd rhwng 2010 a 2012.
Bu’n AS dros Chesham ac Amersham ond fe’i ganed yng Nghaerdydd.
This is sad news – Dame Cheryl Gillan MP worked across party lines on many issues. I am proud to have worked on matters related to digital crime with her. https://t.co/ZcZmhwC1Fr
— Liz Saville Roberts AS/MP (@LSRPlaid) April 5, 2021
Dywedodd arweinydd y Ceidwadwyr Cymreig yn y Senedd, Andrew RT Davies: “Rwy’n drist iawn o glywed bod y Fonesig Cheryl Gillan AS wedi marw.
“Roedd Cheryl yn fodel o wasanaeth cyhoeddus ac roedd yn cael ei pharchu ar draws y sbectrwm gwleidyddol.
“Roedd hi’n hynod falch o’i gwreiddiau Cymreig ac yn gwasanaethu gyda rhagoriaeth fel Ysgrifennydd Gwladol.
“Roedd Cheryl yn ffrind da i’r Ceidwadwyr Cymreig a bydd colled fawr ar ei ôl.
“Ar ran fy nghydweithwyr, rwy’n anfon ein cydymdeimlad at ei theulu a’i ffrindiau ar yr adeg anodd hon.”
