Mi fydda i’n gwylio rhaglenni weithiau a fydd gen i ddim math o awydd sgwennu amdanyn nhw, ond yn teimlo y dylwn i rywsut. Teimlad felly a gefais wrth wylio Y Byd ar Bedwar yr wythnos diwethaf. Y testun y tro hwn? Huw Edwards. Y darlledwr o Langennech ger Llanelli, cyn-gyflwynydd newyddion llwyddiannus, wyneb y BBC, a dderbyniodd ddedfryd o garchar wedi’i gohirio yn gynharach eleni ar ôl pledio’n euog i fod â delweddau anweddus o blant yn ei feddiant.