Bydd yn rhaid i chi ganolbwyntio am ’chydig, mae sawl gwlad a chenedl yn y stori fach nesaf yma. Roeddwn i a dau ffrind yn yr Almaen ychydig fisoedd yn ôl, ar ein ffordd i Croatia. Mewn bar Gwyddelig ym Munich fe ddaethom ar draws criw o Sbaen, neu Wlad y Basg i fod yn fanwl gywir. Pwrpas eu taith nhw oedd ymweld â ffatri dractors CASE dros y ffin yn Awstria. Ar wahân i dractors, eu hunig ddiléit arall, hyd y gwelwn i, oedd ralïo ceir ac roeddynt yn wybodus iawn am Gymru o ganlyniad. Wel, dw i’n