Blas o’r Bröydd

Mae’r erthygl hon am ddim i bawb gael blas ar gynnwys y cylchgrawn. Beth am danysgrifio er mwyn darllen rhagor o’r cylchgrawn?

Nwyddau mislif am ddim trwy Lyfrgelloedd Gwynedd

Bellach mae modd i unrhyw un sydd eu hangen allu cael gafael ar nwyddau mislif am ddim trwy lyfrgelloedd Gwynedd.

Mewn partneriaeth â Gwasanaeth Addysg Cyngor Gwynedd, bydd y llyfrgelloedd yn lleoliadau dosbarthu nwyddau mislif am ddim, gyda’r nod o helpu i daclo tlodi mislif a chodi ymwybyddiaeth o fuddiannau amgylcheddol cynnyrch y gellir ei ailddefnyddio.

Ewch draw i Caernarfon360 i weld rhestr o’r llyfrgelloedd fydd yn darparu’r nwyddau mislif ecogyfeillgar yma.

Bro

Nwyddau mislif am ddim trwy Lyfrgelloedd Gwynedd

Mirain Llwyd Roberts

Dyma sut mae Llyfrgelloedd Gwynedd yn ceisio mynd i’r afael â thlodi mislif

Gŵyl y Felin 1977

Teithiwch yn ôl mewn amser i Ŵyl y Felin yn 1977. Nabod rhywun o’r clip sydd ar BangorFelin360?

Mae Gŵyl y Felin wastad yn ddigwyddiad mae llawer o’r fro, a’r ardal ehangach, yn edrych ymlaen yn arw amdano.

Felly mae fflam y cyffro yn llosgi’n barod ar gyfer 2022, pan fydd yr Ŵyl yn ôl am y tro cyntaf ers y cyfnodau clo.

Yn y cyfamser, mae Gŵyl y Felin yn cynnal digwyddiadau Nadoligaidd – ewch i gefnogi os ydych chi’n byw yn yr ardal.

Blas o’r Bröydd

Dyma flas o’r fideos, blogs ac erthyglau ar rwydwaith Bro360 yn yr wythnos ddiwethaf

Dwy chwaer o Lanfair Clydogau ym Mhencampwriaethau’r Byd

Mae dwy chwaer ifanc, Llinos ac Elonwy Thomas o Lanfair Clydogau ger Llanbed, wedi bod yn cynrychioli Cymru yng Nghystadlaethau Ieuenctid Dartiau Cydweithredol Cwpan y Byd a Phencampwriaeth y Byd yn Gibraltar.

Roedd y ddwy chwaer, mewn tîm gyda John Price a Colin Thomas, yn cystadlu yn erbyn 18 o dimau eraill ar draws y byd.

Uchafbwynt y gystadleuaeth oedd y g.m yn erbyn yr Iseldiroedd (cyn-bencampwyr y gystadleuaeth yn y ddwy flynedd diwethaf). Ewch i Clonc360 i weld sut hwyl gafon nhw.