Blas o’r bröydd
Mae Bro360 yn cydweithio â chymunedau yn Arfon a Cheredigion i gynnal saith o wefannau bro – y lle ar y We i’r lleisiau lleol. Dyma flas o’r fideos, blogs ac erthyglau sydd wedi’u cyhoeddi gan bobol y filltir sgwâr, am eu milltir sgwâr, dros yr wythnos ddiwethaf…
***
Addasu i’r ‘normal newydd’ yn Poblado Coffi
“Ar gychwyn mis Mehefin, pan oedd golau i’w weld ar ddiwedd twnal y clo mawr, gafo ni sgwrs yma yn Poblado Coffi i gymeryd stoc a chynllunio ymlaen.”
Felly sut mae’r cwmni coffi yma yn Nyffryn Nantlle wedi addasu? O ble ddaeth yr enw? A beth yn y byd yw ‘Plodwyr Poblado’? Darllenwch stori’r busnes lleol ar DyffrynNantlle360.
***
Llaeth lleol o’r fuwch i’r ford frecwast
“O’n i’n meddwl bydden i byth yn prynu horsebox!” meddai Dafydd Jones, Llanfair Fach ger Llanbed. Ond mae e’ newydd wneud, ac nid ar gyfer cadw ceffylau! Mae’r teulu newydd sefydlu busnes i werthu llaeth y fferm o gwmpas y fro mewn trelar. Yn yr un ardal, mae teulu Gwarffynnon yn mentro i’r maes ac ar fin agor siop yn gwerthu llaeth ffres y fferm yn Llanbed.
Y ffermwr ifanc lleol, Cennydd Jones, sy’n holi’r ddau mewn podcast arbennig ar dwf cynnyrch lleol ar Clonc360.
***
Podlediad pêl-droed
Mwynhewch y cyfle yma i wrando ar un o ohebwyr ifanc BroAber360, Gruffudd Huw, yn sgwrsio gyda Gwynfor Jones am rai o gemau mwyaf cofiadwy tîm pêl-droed Cymru. Mae Gwynfor wedi gwylio dros 150 o gemau Cymru ac wedi ysgrifennu dwy gyfrol ar hanes pêl-droed yng Nghymru. Pwy well i hel atgofion?
***
Straeon bro poblogaidd yr wythnos
