Bydd 22 o athletwyr yn cystadlu yng Ngemau Paralympaidd Paris, sy’n dechrau heddiw (dydd Mercher, Awst 28).
Enillodd 21 athletwr Cymru 14 o fedalau rhyngddyn nhw yn Tokyo y tro diwethaf – pedair aur, tair arian a saith efydd.
Yr athletwyr mwyaf profiadol yn y garfan yw Hollie Arnold (gwaywffon), Paul Karabardak (tenis bwrdd) a David Smith (boccia), sydd i gyd yn cystadlu yn eu pumed Gemau.
Ond ymhlith y cystadleuwyr yn eu Gemau cyntaf mae Matt Bush (para taekwondo), Rhys Darbey (nofio), Steffan Lloyd (para-seiclo), Funmi Oduwaiye (taflu pwysau), a Harrison Walsh (disgen).
Collodd Walsh allan yn Tokyo ar ôl cael ei anafu ar noswyl y Gemau.
Pob lwc i'n holl athletwyr Paralympaidd.
There's a strong Welsh contingent in the GB Paralympics team.
Amdani – all of Wales is behind you! pic.twitter.com/3gAFGOkXc7
— Eluned Morgan (@PrifWeinidog) August 28, 2024
Medalau?
Allan o’r 22 o athletwyr, bydd nifer o’r enwau mawr yn gobeithio dod adref â medalau aur.
Mae Aled Siôn Davies yn anelu am bedwaredd medal aur yn ei bedwerydd Gemau.
Bydd Laura Sugar hefyd yn gobeithio dal gafael ar ei medal aur hithau.
Yn y tenis bwrdd mae rhai o obeithion mwyaf Cymru am fedalau, ochr yn ochr â Matt Bush a Beth Munro yn y taekwondo.
Y Gymraes Olivia Breen, sy’n rhedeg ac yn cystadlu yn y naid hir, yw cyd-gapten Prydain.
Dyma gip ar yr holl athletwyr o Gymru sy’n cystadlu.
