Bydd Cefnwr Cymru, Liam Williams, yn colli gêm agoriadol Pencampwriaeth y Chwe Gwlad ar ôl cael ei wahardd am dair gêm.
Rhuthrodd y chwaraewr rhyngwladol i mewn i dacl ar y blaenasgellwr Shane Lewis-Hughes â’i ben mewn sgarmes.
Cafodd y drosedd ei gweld gan y dyfarnwr fideo, ac fe gafodd e gerdyn coch.
Felly ni fydd Liam Williams ar gael ar gyfer ymweliad Iwerddon â Chaerdydd ar Chwefror 7.
Dywedodd datganiad gan y PRO14: “Derbyniodd y chwaraewr ei fod wedi cyflawni gweithred o chwarae budr a oedd yn haeddu cerdyn coch.
“Penderfynwyd bod y drosedd hon yn haeddu gwaharddiad pedair wythnos.
“Penderfynodd y swyddog barnwrol fod ffactorau, gan gynnwys edifeirwch y chwaraewr, yn golygu fod y gosb yn haeddu un wythnos o ostyngiad.
“Mae’r chwaraewr wedi’i wahardd rhag chwarae rhan yn y tair gêm.”
