Jonathan Davies yn chwarae ei gêm gyntaf mewn blwyddyn

Bydd canolwr Cymru Jonathan Davies yn dychwelyd i’r cae rygbi heno (Medi 25) ar gyfer gêm gyfeillgar yn erbyn y Gweilch.

Oherwydd anaf i’w ben-glin, dydy’r canolwr heb chwarae ers gêm y fedal efydd yng Nghwpan Rygbi’r Byd yn Japan fis Tachwedd y llynedd.

Mae’r chwaraewr 32 oed yn gobeithio profi ei ffitrwydd cyn i dymor newydd y Pro14 ddechrau fis Hydref pan fydd y Scarlets yn croesawu Munster yn ei gêm gyntaf.

Mae Liam Williams a Rhys Patchell yn parhau i fod yn absennol oherwydd anafiadau.

Ni fydd asgellwr Cymru, Johnny McNicholl, na Leigh Halfpenny yn chwarae’r gêm gyfeillgar chwaith ar ôl anafiadau yn rownd gynderfynol y Cwpan Her yn erbyn Toulon wythnos ddiwethaf.

Scarlets: Tom Rogers; Ryan Conbeer, Jonathan Davies, Paul Asquith, Tom Prydie; Sam Costelow, Dane Blacker; Phil Price, Marc Jones, Werner Kruger, Josh Helps, Tevita Ratuva, Ed Kennedy, Jac Morgan (capt), Uzair Cassiem.

Eilyddion: Dylan Evans, Taylor Davies, Shaun Evans, Javan Sebastian, Jac Price, Morgan Jones, Dan Davis.

Nid yw’r Gweilch wedi enwi eu tîm eto.