Mae Wes Burns (Ipswich) ac Oliver Denham (Caerdydd) wedi cael eu hychwanegu at garfan bêl-droed Cymru cyn eu gêm ail gyfle yng Nghwpan y Byd a gemau Cynghrair y Cenhedloedd.
Dydy Oliver Denham, amddiffynnwr 20 oed, heb ennill ei gap cyntaf dros Gymru eto.
Mae Nathan Broadhead, sydd ar fenthyg gyda Sunderland o Everton, wedi gorfod tynnu’n ôl o’r garfan oherwydd anaf.
Dyma oedd y tro cyntaf i’r ymosodwr 24 oed o Fangor gael ei gynnwys yn y garfan.
Bydd tîm Robert Page yn wynebu’r Alban neu Wcráin yng Nghaerdydd ar ddydd Sul, Mehefin 5 wrth iddyn nhw geisio ennill eu lle yng Nghwpan y Byd am y tro cyntaf ers 1958.
Byddan nhw hefyd yn herio Gwlad Pwyl ar Fehefin 1, yr Iseldiroedd ar Fehefin 8 ac 14, a Gwlad Belg ar Fehefin 11.
Y garfan
Golwyr: Wayne Hennessey, Danny Ward, Adam Davies
Amddiffynwyr: Ben Davies, Joe Rodon, Chris Mepham, Chris Gunter, Rhys Norrington-Davies, Connor Roberts, Neco Williams
Canol cae: Joe Allen, Joe Morrell, Ethan Ampadu, Matthew Smith, Aaron Ramsey, Dylan Levitt, Sorba Thomas, Rubin Colwill, Harry Wilson, Jonny Williams, Brennan Johnson
Ymosodwyr: Gareth Bale, Dan James, Mark Harris, Kieffer Moore, Rabbi Matondo
