Bydd yna bendant le i Gymru yn gemau ail gyfle Cwpan y Byd, wedi i Sbaen guro Gwlad Groeg 1-0 neithiwr (11 Tachwedd).
Dyma’r tro cyntaf i Gymru gymhwyso ar gyfer y gemau ail gyfle ers 1958, pan aethon nhw yn eu blaenau i chwarae yng Nghwpan y Byd.
Fe wnaeth Cymru ddechrau eu hymgyrch i gymhwyso ar gyfer Cwpan y Byd yn gwybod eu bod nhw bron iawn â sicrhau eu lle yn y gemau ail gyfle, ar ôl gorffen yn gyntaf yn eu grŵp yng Nghynghrair y Cenhedloedd.
Hyd yn oed os nad yw Cymru’n gorffen yn gyntaf neu’n ail yn eu grŵp yn y gemau rhagbrofol, bydden nhw dal drwodd i’r gemau ail gyfle.
GEMAU AIL GYFLE ???????
Cymru secure a @FIFAWorldCup play-off spot for the first time since 1958 ?#TogetherStronger pic.twitter.com/01xN9vkfZ4
— Wales ??????? (@Cymru) November 11, 2021
Pe bai Cymru’n cael pedwar pwynt yn eu dwy gêm ragbrofol derfynol, yn erbyn Belarws yfory a Gwlad Belg ddydd Mawrth, yna bydden nhw’n siŵr o orffen yn gyntaf neu’n ail yn eu grŵp.
Bydd y gêm yn erbyn Belarws yng Nghaerdydd yn dechrau am 7:45 nos fory (13 Tachwedd) ac yn fyw ar S4C.
Cyfle olaf i genhedlaeth euraidd Cymru chwarae yng Nghwpan y Byd?
