Mae disgwyl i Glwb Pêl-droed Dinas Caerdydd benodi Mick McCarthy yn reolwr newydd ar y garfan.
Gadawodd y cyn-reolwr Neil Harris y clwb ddydd Iau, Ionawr 21, ar ôl colli chwe gêm yn olynol.
Mick McCarthy fydd yr wythfed rheolwr ers i Vincent Tan brynu’r clwb 11 mlynedd yn ôl.
Yn gynharach y mis hwn gadawodd Mick McCarthy, sy’n gyn-reolwr Gweriniaeth Iwerddon, ei swydd gyda Cyprus Apoel.
Mae Mick McCarthy hefyd wedi bod yn rheolwr gyda Sunderland a Wolves, gan sicrhau dyrchafiad i’r Uwch Gynghrair gyda’r ddau glwb.
Nid yw ei benodiad wedi’i gadarnhau eto, ond disgwylir i’w gytundeb gael ei gwblhau ymhen ychydig ddyddiau.
Arweiniodd Neil Harris yr Adar Gleision y tîm i rownd gynderfynol y Bencampwriaeth y tymor diwethaf.
Fodd bynnag, methodd ei dîm â chyrraedd yr un safon yn ystod yr ymgyrch hon.
