Un Gôl yn Ddigon i’r Dreigiau

Boreham Wood 0–1 Wrecsam                                                      

Roedd gôl gynnar Connor Jennings yn ddigon i Wrecsam gipio’r tri phwynt wrth deithio i Meadow Park i wynebu Boreham Wood yn y Gynghrair Genedlaethol brynhawn Sadwrn.

Dechreuodd Boreham Wood yn dda ond Wrecsam aeth ar y blaen wedi deuddeg munud pan beniodd Jennings groesiad Blaine Hudson i gefn y rhwyd.

Cafodd Dominic Vose gyfleoedd i ddyblu’r fantais i’r Dreigiau a tharodd Joe Devera’r postyn i Boreham Wood.

Yn wir, cafodd Wrecsam ddigon o gyfleoedd i ychwanegu at y sgôr yn yr ail hanner ond roedd un gôl yn ddigon yn y diwedd i gipio’r tri phwynt a’i codi i’r ail safle yn nhabl y Gynghrair Genedlaethol.

.

Boreham Wood

Tîm: Russell, Cox (Morias 63′), Doe, Shakes, Devera, Reynolds, Howell, Hill (B. Clifford 46′), C. Clifford, Montgomery, MacDonald (Whichelow 85′)

Cardiau Melyn: Hill 31’, Cox 48’

.

Wrecsam

Tîm: Belford, Smith, Hudson, Moke, Newton, Fyfield, Evans, Vose (Fowler 78′), Gray (Carrington 62′), York (Jackson 55′), Jennings

Gôl: Jennings 12’

Cerdyn Melyn: Jennings 50’

.

Torf: 685