Enillodd Leigh Howard yr ail gymal, wrth orffen yn gyntaf mewn sbrint â Mark Cavendish, diwrnod rhwystredig arall i Cav ar ôl ei godwm ddoe. Roedd y gŵr o Awstralia, Howard wedi gwirioni wrth guro Cav, yn enwedig ar dir ei hun.
Dywedodd Howard: “Mae’n rhywbeth arbennig i guro Cav, gyda 250m i fynd roeddwn yn sicr fy mod i am ennill.”
Roedd Cavendish yn yr ail safle a van Poppel yn drydedd.
Mae’r gŵr o’r Iseldiroedd, Boy Van Poppel (UHC) yn gwisgo’r crys melyn fel arweinydd y ras.
Brenin y mynyddoedd
Roedd chwech o feicwyr wedi creu bwlch o dros dair munud yn gynnar, er hynny mi wnaeth Tîm Sky rheoli’r ras. Gyda 22km i fynd neidiodd Jack Bobridge ( OGE ) a Pete Williams (NGR) o’r pedwar arall, a chreu bwlch. Oherwydd bod y gŵr o Wlad y Basg Pablo Urtasun (EUS) yn y grŵp bach, y fo sy’n gwisgo’r crys KOM (Brenin y Mynyddoedd) ar ôl cyrraedd copa’r tri mynydd cyntaf.
Ar ôl damweiniau erchyll ddoe, mi fethodd y gwibiwr o America Tyler Farrar (GRS) ddechrau, felly mae cyfle i wibiwr eraill y ras gymryd mantais.
Dywedodd enillydd y cymal ddoe, Luke Rowe (Sky): “Dw i’n siomedig bod Cav heb ennill cymal, ond mi fydd cyfleoedd eraill”.
Mae’r ras yn dechrau yn Jedburgh fory yn ffiniau’r Alban.
