Mae Maes B wedi trefnu dwy gig – un yn y gogledd a’r llall yn y de – i wneud fyny am y ffaith eu bod nhw wedi gorfod canslo perfformiadau gan fandiau adeg Steddfod Llanrwst ym mis Awst.
Cafodd gigs nos Wener a nos Sadwrn Maes B y Steddfod eu canslo oherwydd gofidion am effaith gwynt a glaw cryf ar y babell lle’r oedd y perfformio i fod i ddigwydd.
Canslo gigs Maes B nos Wener a nos Sadwrn
Dwy gig – Caerfyrddin a Wrecsam
Bydd y gig gyntaf yn y gyfres ‘Plan B’ cael ei chynnal yn Undeb y Myfyrwyr yng Nghaerfyrddin ar Ragfyr 13, gyda Wigwam, Papur Wal, Adwaith, Mellt a DJ Elan Evans yn perfformio.
Bydd gig gogleddol ‘Plan B’ ar Ragfyr 14 yn Nhŷ Pawb, Wrecsam, gyda 3 Hŵr Doeth, Lewys, Los Blancos, Gwilym a DJ Pyst yn dy Glust.
Mae’r gigs yn rhai 16+ ac mae tocynnau ar gael am £8 ar wefan maesb.com.
Dwy gig mewn un noson
Bydd criw hip-hop 3 Hŵr Doeth yn hopian o un gig i’r llall ar Ragfyr 14.
Ar ôl iddyn nhw berfformio yn Nhŷ Pawb yn Wrecsam mae disgwyl i’r band yrru yn syth i Neuadd Hendre ar gyrion Bangor i berfformio gyda Mellt, KIM HON a Pys Melyn.
