Mae’r albwm ‘Galargan’ gan The Gentle Good wedi’i gynnwys ymhlith deg albwm gwerin gorau’r Guardian.
Mae’r albwm gan fand Gareth Bonello wedi’i ysbrydoli gan ganeuon y cafodd hyd iddyn nhw yn y Llyfrgell Genedlaethol yn Aberystwyth yn ystod cyfnodau clo’r pandemig Covid-19.
Ei ddehongliad ei hun o hen ganeuon traddodiadol gan Gymry sydd ar yr albwm, sy’n gasgliad o ganeuon gafodd ei ddewis yn Albwm Gwerin y Mis gan The Guardian.
Yn ystod y pandemig, pan oedd colled, anobaith, ofn a dicter yn teimlo’n fwy real nag erioed, roedd yr hen ganeuon hyn yn cynnig eu hunain, meddai’r cerddor.
Ond mae gobaith hefyd, gyda’r caneuon yn llawn o fyd natur yn gwibio trwy ei thymhorau ac yn cynnig pelydrau o oleuni.
Pan darodd y cyfnod clo cyntaf ym mis Mawrth 2020, roedd Gareth Bonello ar ddiwedd ei gyfnod ymchwil ar gyfer ei ddoethuriaeth.
‘Clasur bytholwyrdd’
“Gan gymryd caneuon gwerin o Lyfrgell Genedlaethol Cymru, athrylith Gareth Bonello yw creu byd sain twyllodrus o syml sy’n rhychwantu arlliwiau amrywiol o’r blŵs,” meddai’r erthygl yn The Guardian am yr albwm.
“Rhydd i’r caneuon Cymraeg hyn naws Sandy Denny o eglurder di-liw, trugarog: gan eu gwisgo’n dyner gyda threfniannau hardd ar y gitâr, y piano a’r soddgrwth, mae ei lais canu yn fanwl gywir ond eto’n dyner.
“Mae’r albwm hwn yn glanio fel clasur bytholwyrdd.”
Teg edrych tuag adref
