Bu Côr yr Urdd yn canu mewn eglwys yn Alabama yn yr Unol Daleithiau neithiwr (Ebrill 19) i ddathlu’r Pasg.
Cafodd y perfformiad ei gynnal yn Eglwys y Bedyddwyr, 16th Street yn Birmingham, Alabama yn sgil cysylltiad Cymru â’r eglwys.
Cafodd perthynas Urdd Gobaith Cymru a chymuned Affro Americanaidd Birmingham ei sefydlu dros hanner canrif yn ôl yn sgil ymosodiad ar yr eglwys, ac mae’r mudiad ieuenctid wedi teithio yno i berfformio a dysgu am hanes y mudiad hawliau sifil a chanu gospel.
Mae’r côr yn cynnwys enillwyr Eisteddfod T 2021, yn ogystal â chanwyr eraill a gafodd eu dewis drwy broses glyweliadau agored.
‘Ymasiad diwylliannol’
Wrth ddiolch i Pastor Price a phawb yn yr eglwys, dywedodd yr Urdd ei bod hi’n fraint i’r Côr fod yn rhan o Wasanaeth y Pasg.
“Byddan ni’n cynnal y cyfeillgarwch ddechreuodd pobol Cymru yn 1963 i’r dyfodol,” meddai’r Urdd.
“Bydd canu Y Tangnefeddwyr yn rhywbeth na wnawn ni fyth ei anghofio.”
Dywedodd adran Llywodraeth Cymru yng Ngogledd America, bod y gwasanaeth yn “ymasiad diwylliannol yn dathlu’r cysylltiad rhwng Birmingham a phobol Cymru”.
It was an honour to celebrate Easter Sunday at the 16th Street Baptist Church in Birmingham where the @Urdd choir – Côr yr Urdd we're special guests.
The service was a cultural fusion celebrating the links between Birmingham and the people of Wales?????????#UrddAlabama @UKinAtlanta pic.twitter.com/2idjgGzQoK
— Wales in North America ????????? (@WalesinNA) April 17, 2022
Diolch i Pastor Price a’r 16th Baptist Church am y gwahoddiad i ganu yng ngwasanaeth arbennig Sul y Pasg. Thank you to Pastor Price and and the 16th Baptist Church for the warm welcome!! #UrddAlabama #Cymru pic.twitter.com/WLvmt1R1DW
— Urdd Gobaith Cymru (@Urdd) April 17, 2022
Y berthynas
Cafodd y berthynas rhwng Cymru a chymuned Affro Americanaidd Alabama ei ffurfio yn 1963 yn dilyn ymosodiad terfysgol gan y Klu Klux Klan ar Eglwys y Bedyddwyr, 16th Street pan gafodd pedair o ferched rhwng 11 a 14 oed eu lladd.
Fel arwydd o gefnogaeth ac undod, rhoddodd pobol Cymru ffenestr liw i’r eglwys, ac mae’n cael ei hadnabod hyd heddiw fel y ‘Wales Window’.
Fe wnaeth ymweliad swyddogol Siân Lewis, Prif Weithredwr yr Urdd, a Gweinidog Addysg Cymru ar y pryd, Kirsty Williams, â’r eglwys a phobol ifanc Birmingham yn 2019 gryfhau’r berthynas.
O ganlyniad, roedd Côr Gospel Prifysgol Alabama wedi bwriadu ymweld ag Eisteddfod yr Urdd yn 2020, ond ni ddigwyddodd hynny yn sgil y pandemig.
Mae’r ymweliad â’r Unol Daleithiau yn cyd-fynd â chanmlwyddiant yr Urdd eleni, ac yn rhan o’r dathliadau hynny.
