Tafwyl i gael croesawu cynulleidfa gyfyngedig

Tafwyl fydd yr ŵyl gyntaf yng Nghymru i gael croesawu cynulleidfa fyw ers dechrau’r pandemig ym mis Mawrth y llynedd.

Rhwng 5pm a 9pm ddydd Sadwrn 15 Mai, os bydd amodau’n caniatáu, bydd hyd at 500 o bobl yn cael mynychu’r digwyddiad fesul grwp o rhwng pedwar a chwech o bobl.

Gallwch gofrestru am y cyfle i fod yn rhan o’r gynulleidfa yma. Bydd cofrestru’n cau am 7pm dydd Gwener (7 Mai).

I fynd bydd angen cyflwyno tystiolaeth o ddau brawf Covid negyddol, un prawf PCR hyd at bum niwrnod cyn y digwyddiad a phrawf LFD cyflym 24 awr cyn i’r digwyddiad ddechrau.

Newyddion cyffrous! Bydd #Tafwyl21 ar agor i gynulleidfa o 500 o bobl a fydd yn cynnwys partïon rhwng 4 a 6 o bobl rhwng 5yh a 9yh ddydd Sadwrn 15 Mai, yn @CastellCaerdydd os bydd amodau yn caniatáu.? pic.twitter.com/IU5YH9FpFO

— Tafwyl (@Tafwyl) May 6, 2021

• Gallwch ddarllen mwy am arlwy’r ŵyl isod.

Tafwyl 2021 yn gyfle i fynd â’r ŵyl “ymhell tu hwnt i furiau’r castell”

Bydd Tafwyl yn digwydd ar-lein ym mis Mai, ac mae rhaglen yr ŵyl wedi cael ei chyhoeddi heddiw (dydd Iau 15 Mai)