Mae’r nosweithiau yn fyr a thywyll, a’r Nadolig rownd y gornel. Ond yr un peth sy’n parhau’n fwy anodd nag erioed yw’r cwestiwn, ‘Beth gawn ni i swper heno?’ Gydag ychydig o gynhwysion yn unig, dyma un pryd syml a maethlon i fodloni’r teulu.
Gyda dim ond pum munud o amser paratoi a deng munud o dan y gril, dyma’r dewis perffaith os ydych chi am goginio rhywbeth maethlon, a gwneud hynny yn gyflym. Gall brest twrci fod ychydig yn sych ar adegau, ond gyda marinâd hyfryd i gyd-fynd ag o, cawn bryd blasus.
Dywedir bod y math hwn o Shish kebab wedi tarddu’n wreiddiol o Iran (Persia), ond maen nhw’n cael eu mwynhau ar draws y Dwyrain Canol. Gellid defnyddio Twrci fel dewis arall yn lle cig coch. Mae’n flasus, ond hefyd yn uchel mewn protein ac yn isel mewn braster.
Beth fydda i ei angen?
Twrci (1.066kg)
2 bupur gwyrdd
2 bupur coch
2 lwy fwrdd o olew olewydd
1 llwy de o paprika
1 llwy de o turmeric
1 llwy de o cumin
3 chlof garlleg
Pupur a halen (yn ôl eich blas)
Lemwn (sblash)
Parsli (chwarter cwpanaid)
Bara pitta
1 nionyn
Coginio
Cymysgwch yr olew, sbeisys, garlleg, pupur a halen, sudd lemwn a pharsli mewn powlen ar gyfer marinad y twrci.
Rhowch y darnau twrci yn y bowlen ac ychwanegu’r marinâd.
Cymysgwch yn dda a’i roi yn yr oergell am o leiaf ddwy awr.
Rhowch y twrci gyda marinad ar sgiwerau wedi’u socian ymlaen llaw.
Ychwanegwch bupur gwyrdd a choch gyda nionyn rhwng y darnau twrci.
Rhowch y sgiwerau dan y gril am ddeng munud, gan eu troi’n rheolaidd.
Mwynhewch!
