Gyda’r haf fel pe bai wedi llithro i ffwrdd yn ddigon annisgwyl, mae’n bwysig i ni gofio ei liwiau yn y bwyd yr ydym yn dewis ei fwyta. Gyda’r dyddiau yn byrhau, ynghŷd a’n cymhelliant i fod mor iach ag y gallwn fod, mae pryd fel hwn yn ysgafn, rhesymol, iach a charedig gyda’r corff. Ychydig funudau yn unig y mae’n ei gymryd i’w baratoi, ac mae’n flasus tu hwnt am £4 y pen!
Beth fyddwch chi ei angen?
Stecen tiwna
Nionyn
Nionyn gwyrdd
Pupur pob lliw
Tomato
Halen
Olew Olewydd
Olewydd (olives)
Basil
Glaze Balsamic (dewisol)
Paratoi
Golchwch y bresych kale
Torrwch nionyn gwyn yn fân, pupur pob lliw, nionyn gwyrdd a thomato
Coginio
Arllwyswch ychydig o olew olewydd i badell, a choginiwch y kale am ychydig funudau dros wres canolig, y nionyn, pupur pob lliw, tomato, halen a basil.
Coginiwch y stecen ar wres uchel dros funud neu ddwy ar pob ochr (dibynnu ar drwch y stecen)
Cyflwynwch eich stecen ar y gwely llysiau lliwgar gan ychwanegu nionyn gwyrdd wedi’i dorri’n fân ac olewydd ynghŷd a phupur a halen a sblash o glaze balsamic os liciwch chi! Mwynhewch!
