Cân i Gymru – y dyddiad cau yn agosáu

Mae S4C wedi atgoffa cerddorion Cymru bod y dyddiad cau ar gyfer ceisiadau Cân i Gymru 2011 yn prysur agosáu.

Dydd Gwener, 7 Ionawr, yw’r dyddiad cau i’r rheini sydd am fentro i gystadlu.

Bydd yr enillydd yn cael lle yn yr Ŵyl Ban Geltaidd yn ogystal â gwobr ariannol o £7,500.

Bydd yr wyth cân sy’n cyrraedd rhestr fer y rheithgor o arbenigwyr yn perfformio’n fyw ym Mhafiliwn Pontrhydfendigaid ar S4C ar 6 Mawrth 2011.

Owen Powell yw Cadeirydd y Rheithgor ac yn ei gynorthwyo i ddarganfod yr wyth olaf fydd Gwenno Saunders, cantores The Pipettes; prif leisydd y Sibrydion, Meilir Gwynedd; Cleif Harpwood o fand Edward H.Dafis; a’r gantores gwerin, Siân James.

Mae S4C eisiau ceisiadau gan gyfansoddwyr ar ffurf CD, casét neu .mp3, ynghyd â ffurflen gais sydd ar gael gyda holl fanylion y gystadleuaeth ar wefan Cân i Gymru: s4c.co.uk/canigymru. Mae’n rhaid i gystadleuwyr fod dros 16 oed.

Am fwy o fanylion am sut i gystadlu, cysylltwch ag Avanti ar 01443 688530 neu canigymru2010@avantimedia.tv

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Is-ddatblygwr Meddalwedd

← Stori flaenorol

Prydain

Bydd yr Alban yn cael pleidlais arall ar annibyniaeth – Ian Blackford

Ni all Boris Johnson “wadu democratiaeth” meddai arweinydd yr SNP yn San Steffan Ian Blackford

Stori nesaf →

Archif

Galw am ragor o arian i gynnal ffyrdd Cymru

Atal y tyllau rhag ymddangos yn y lle cyntaf meddai’r Ceidwadwyr

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Cân i Gymru – y dyddiad cau yn agosáu

Dydd Gwener yw’r cyfle olaf i wneud cais i gystadlu

Poblogaidd

← Stori flaenorol

Stori nesaf →

Hefyd →