Mae prif ganwyr Gorky’s Zygotic Mynci a Teenace Fanclub wedi uno i sefydlu grŵp newydd o’r enw Jonny.
Mi fydd y Cymro, Euros Childs, a’r Albanwr, Norman Blake, yn cyhoeddi EP pedwar trac newydd â’r enw, ‘Free EP’ ar 10 Tachwedd, yn ôl cylchgrawn NME.
Y caneuon fydd ‘Gloria’, ‘Beach Party’, ‘Continental’ a fersiwn o gan grŵp The 23rd Turnoff, ‘Michael Angelo’.
Mae’r cylchgrawn hefyd yn dweud fod Jonny am ryddhau albwm lawn y flwyddyn nesaf.
Bydd Jonny ar daith yn gynnar yn 2011, ac mi fyddan nhw’n perfformio yng Nghlwb Ifor Bach yng Nghaerdydd ar 8 Chwefror.
