Mae gwraig yn ei 40au wedi cael ei harestio ac yn cael ei holi am ymgais i lofruddio yng Nghaerdydd.
Fe gafodd heddlu arfog eu hanfon i Stryd Blaenclydach yn Grangetown ychydig wedi pump o’r gloch neithiwr, lle’r oedd dyn wedi ei anafu’n ddifrifol.
Does dim rhagor o fanylion am y digwyddiad yn y stryd sydd ychydig y tu cefn i’r brif orsaf drenau yn y brifddinas.
Mae’r dyn 50 oed bellach mewn cyflwr sefydlog yn Ysbyty’r Brifysgol yng Nghaerdydd ac mae’r heddlu’n gofyn am dystion.
Fe ddylai unrhyw un sydd â gwybodaeth am yr ymosodiad alw’r heddlu ar 101 neu Taclo’r Tacle ar 0800 555111.
Llun: Stryd Blaenclydach yw un o’r rhai y tu cefn i’r orsaf drenau yng Nghaerdydd
