Mae’r Heddlu’n apelio am wybodaeth ar ôl i ddyn yn ei 50au ddioddef ymosodiad yn ardal Ffordd Wyndham, Casnewydd fore ddoe.
Roedd y dyn yn cerdded ar hyd Ffordd Wyndham tua 5am pan ddaeth dyn ato yn gofyn am arian. Fe wnaeth y troseddwr ei ddyrnu a’i gicio yn ei wyneb, gan achosi anafiadau helaeth. Fe ymosododd arno’n rhywiol hefyd.
Mae’r troseddwr yn cael ei ddisgrifio fel dyn gwyn, rhwng 20 a 30 oed, pum troedfedd un ar ddeg modfedd i chwe throedfedd o daldra. Roedd yn gwisgo crys-t gwyn a throwsus du.
Anghyffredin
“Mae’r math hwn o drais corfforol diachos yn anghyffredin. Mae’r dyn a wnaeth ddioddef yr ymosodiad wedi bod yn ddewr yn dod ymlaen ac yn rhoi cymaint o wybodaeth â phosib.
“Rydan ni’n apelio ar unrhyw un â gwybodaeth i gysylltu gyda’r heddlu.”
Chwilio
Mae’r dyn a wnaeth ddioddef yr ymosodiad yn cael ei ddisgrifio fel un yn ei 50au, chwe throedfedd o daldra, tenau iawn, yn gwisgo siaced werdd.
Yn y cyfamser, mae ymchwiliadau fforensig ac ymchwiliadau heddlu o dy i dy wedi bod yn digwydd a phatrolau ychwanegol yn cael eu cynnal ar yr ardal.
Mae’r Heddlu’n apelio ar unrhyw un gyda gwybodaeth i gysylltu ar 01633 838111 neu gyda Taclo’r Tacle ar 0800 555111.
