Mae Caerdydd wedi gwrthod cynnig o £1.75m gan Burnely am y chwaraewr canol cae, Peter Whittingham.
Fe ddisgynnodd Burnely allan o’r Uwch Gynghrair y tymor diwethaf ond mae ganddynt arian i wario wrth iddynt dargedu ennill dyrchafiad yn syth ‘nôl i brif adran Lloegr.
Ond mae’r Adar Glas yn credu bod Whittingham gwerth llawer mae ’na hynny, ar ôl iddo sgorio 25 gôl iddynt y tymor diwethaf.
Fe chwaraeodd Whittingham i Burnely ar fenthyg yn 2005 pan oedd dal gydag Aston Villa.
Ond gyda Chaerdydd wedi sicrhau buddsoddiad o Falaysia, maen nhw’n mynnu nad oes angen iddynt werthu chwaraewyr.
Er gwaethaf hynny, mae ‘na glybiau o’r Uwch Gynghrair, sy’n cynnwys West Ham sydd â diddordeb yn Peter Whittingham, ac fe allai’r cyfle i ddychwelyd i’r Uwch Gynghrair apelio i chwaraewr Caerdydd.
