Mae tri o bobl o Brydain wedi marw mewn damwain bws yn Ne Affrica.
Cafodd dwy fyfyrwraig eu lladd yn y fan a’r lle, a bu farw trydydd teithiwr, dyn, mewn ysbyty’n ddiweddarach ar ôl cael ei gludo yno mewn hofrennydd. Mae tua 20 o deithwyr eraill wedi cael eu hanafu, rhai ohonyn nhw’n ddifrifol.
Roedd y bws yn cludo grŵp o fyfyrwyr oedd yn bwriadu dychwelyd i Brydain yfory.
“Mae’n debyg fod y gyrrwr wedi colli rheolaeth gan fod y bws wedi troi drosodd,” meddai Capten Leonard Hlathi o’r heddlu.
Fe ddigwyddodd y ddamwain ychydig filltiroedd o Barberton ar ffordd Bulembu. Mae’r 20 sydd wedi’u hanafu’n cynnwys 18 o Brydeinwyr, tywyswr y daith a’r gyrrwr.
Mae’r Uchel Gomisiwn Prydeinig wedi dweud eu bod nhw ar ddeall bod y myfyrwyr o Melton Mowbray yn Swydd Caerlŷr.
Roedd y myfyrwyr wedi cyrraedd y wlad ar 1 Mehefin ac i fod i adael yfory.
Llun: Tref Barberbon lle digwyddodd y ddamwain ddifrifol
