Mae honiadau fod rhai o swyddogion heddlu Cumbria wedi gweld Derrick Bird wrth iddo deithio’r sir yn saethu pobol yn farw ddydd Mercher diwethaf.
Yn ôl honiadau ar ITV News, roedd tri heddwas wedi ei weld, ond heb fynd ar ei ôl oherwydd eu bod heb arfau.
Mae Heddlu Cumbria wedi gwrthod rhoi sylw, ond roedd y Prif Gwnstabl Craig Mackey wedi dweud wythnos ddiwethaf nad oedd y llu wedi cael unrhyw gyfle i atal Derrick Bird.
Roedd wedi saethu 12 o bobol yn farw ac wedi anafu 11 arall. Mae’r ymchwilio’n parhau i geisio canfod y rheswm pam.
Roedd yna honiad arall mewn papur Sul ddoe bod car heddlu wedi dod yn agos at Bird ond wedyn wedi ei golli trwy gymryd y ffordd anghywir.
Llun: Swyddogion fforensig yn cario deunydd o gartref Derrick Bird (Gwifren PA)
