Mae 76% o weithwyr y Post Brenhinol yn cefnogi streic trwy wledydd Prydain.
Fe allai hynny ddigwydd o fewn ychydig dros wythnos, gan effeithio ar y post wrth iddi brysur cyn y Nadolig.
Roedd Undeb y Gweithwyr Cyfathrebu wedi galw pleidlais am streic ac fe ddaeth y cyhoeddiad amser cinio heddiw.
Mae’r rhesymau tros y streic yn cynnwys newidiadau mewn arferion gweithio, cwynion tros gyflog a phryderon am y gronfa bensiwn.
Mae trafodaethau’n parhau rhwng yr undeb a rheolwyr y Post Brenhinol ond mae streiciau ysbeidiol wedi bod yn digwydd ers 15 wythnos.
Fe fydd rhaid i’r undeb weithredu o fewn mis, neu orfod galw pleidlais arall.
