Y gwasanaethau brys ar safle'r ddamwain
Mae o leiaf wyth o bobl wedi marw a 38 wedi’u hanafu ar ôl i fws fod mewn gwrthdrawiad a dau gerbyd arall yn y mynyddoedd yn Ne Califfornia yn gynnar heddiw.
Dywedodd llefarydd ar ran yr heddlu bod gyrrwr y bws wedi dweud ei fod yn cael problemau gyda’r brêcs wrth iddyn nhw ddod i lawr mynydd ar Heol 38. Fe darodd y bws yn erbyn car cyn troi drosodd a tharo cerbyd arall.
Roedd y teithwyr ar y bws yn rhan o grŵp oedd ar ymweliad o Tijuana, Mecsico.
Fe ddigwyddodd y ddamwain ger Coedwig Genedlaethol San Bernardino.
Dywedodd y llefarydd bod rhai o’r teithwyr wedi eu hanafu’n ddifrifol.
