Mahmoud Abbas
Mae disgwyl y bydd y Cenhedloedd Unedig yn pleidleisio heddiw o blaid cydnabod gwlad annibynnol i’r Palestiniaid.
Hynny er gwaetha’ ymgais funud ola’ gan yr Unol Daleithiau i atal y penderfyniad sy’n debyg o gael cefnogaeth gan fwyafrif llethol y gwledydd yng Nghynulliad Cyffredinol y corff rhyngwladol.
Mae Washington wedi addo y bydd yr Arlywydd Barack Obama yn ail afael yn y gwaith o chwilio am heddwch rhwng Palestina ac Israel – os bydd Arlywydd Palestina, Mahmoud Abbas, yn rhoi’r gorau i alw am gydnabyddiaeth.
Maen nhw’n ymateb i wrthwynebiad Israel i’r symudiad.
Mae Ysgrifennydd Tramor Prydain, William Hague, wedi dweud y byddai yntau’n fodlon cydnabod Palestina, ar yr amod ei bod yn ailddechrau trafod ar unwaith gydag Israel.
