Dywed David Cameron y bydd yn gwarchod buddiannau Prydain cyn cytuno ar newidiadau i gytundeb yr Undeb Ewropeaidd.
Fe fydd y Prif Weinidog yn teithio i Frwsel fory a dywedodd y byddai’n pleidleisio yn erbyn unrhyw newidiadau i ddiogelu dyfodol yr ewro onibai bod buddiannau’r DU yn cael eu gwarchod.
Mae nhw’n cynnwys mesurau i ddiogelu gwasanaethau ariannol Prydain oherwydd pryderon y gall y Ddinas ddioddef yn sgil unrhyw newidiadau i ddiogelu’r ewro.
Ermmm…dylai’r penawd i fod: ‘Cameron i warchod buddiannau’r Ddinas ym Mrwsel.’ Ac nid yw buddiannau’r Ddinas yn gyfystyr a buddiannau’r DU. Erbyn hyn, i’r gwrthwyneb.
Mae buddiannau’r Ddinas yn bwysig IAWN i’r DU. Y diwydiant arian yw ymron yr unig beth sydd ar ol erbyn hyn sydd yn medru creu cyfoeth. Heb y marchnadoed arian yn Llundain, byddai’r DU yn llawer llai llewyrchus. Amhoblogaidd gan rai efallai, ond dyna’r gwir.
Cytuno gyda Hirben. Dyna pam wnaeth Gordon Brown ac yna David Cameron eu gorau glas i arbed y banciau. Dyw e ddim i’w wneud gyda ffrindiau, ond yn hytrach gyda ffyniant y wlad.
