Mae gweinyddiaeth iechyd India wedi cyhoeddi eu bod nhw wedi darganfod yr achos cyntaf o coronavirus yn nhalaith ddeheuol Kerala.
Mae myfyriwr oedd wedi treulio amser yn astudio ym Mhrifysgol Wuhan wedi profi’n bositif am coronavirus.
Yn ôl y weinyddiaeth mae’r myfyriwr yn cael ei gadw ar ben ei hun a’i fonitro mewn ysbyty.
Dyw hi ddim yn glir pryd ddaru’r myfyriwr ddychwelyd i India o Tsieina.
Mae teithwyr sy’n dychwelyd o Tsieina yn cael eu profi am symptomau mewn o leiaf 20 maes awyr ar hyd India.
Ac mae’r llywodraeth yn dweud eu bod yn bwriadu defnyddio dwy awyren i gludo dinasyddion Indiaid o Hubei yn Tsieina a’u cadw ar wahân am 28 diwrnod yn New Delhi.
Dim ond pobl sydd ddim i weld yn dioddef o symptomau ffliw fydd yn cael trafeilio yn ôl y weinyddiaeth iechyd.
