Mae ymgyrchwyr Extinction rebellion wedi rhwystro lonydd ledled dinasoedd Ewrop, gan alw ar arweinwyr i weithredu ar fater cynhesu byd-eang.
Yn ninas Berlin, bu i 1,000 o bobol rwstro’r Grosser Stern, sef cylch traffig yng nghanol parc Tiergarten cyn i gant o bobol rwystro Postdamer Platz gyda byrddau, cadeiriau a soffas.
Dechreuodd yr heddlu gario’r ymgyrchwyr i ffwrdd fesul un wedi iddyn nhw wrthod gadael.Wnaeth yr ymgyrchwyr ddim gwrthsefyll, a chafodd neb eu harestio.
Yn Llundain, roedd ymgyrchwyr yn martsio drwy ganol y ddinas wrth ddechrau pythefnos o brotestio gyda’r bwriad o greu anghyfleustra.
Dywed heddlu Llundain fod oddeutu 135 o ymgyrchwyr wedi eu harestio.
