Mae trigolion Caledonia Newydd wedi pleidleisio yn erbyn annibyniaeth.
Roedd 56.4% o’r rhai a bleidleisiodd o blaid aros o dan reolaeth Ffrainc, sef sefyllfa’r diriogaeth i’r dwyrain o Awstralia ers 1853.
Dim ond 43.6% oedd am fynd yn wlad annibynnol.
Roedd Emmanuel Macron wedi addo mewn anerchiad ar y teledu y bydd yn cynnal trafodaeth ynghylch y berthynas rhyngddyn nhw yn y dyfodol.
Mae disgwyl i Brif Weinidog Ffrainc, Edouard Phillipe gyfarfod â swyddogion Caledonia Newydd i drafod y ffordd ymlaen yn dilyn y refferendwm.
