Cafodd Salvador Illa ei ethol yn Arlywydd Catalwnia dros y penwythnos, ac mae e bellach wedi cyhoeddi pwy fydd yn ei Gabinet.
Bydd y rhan fwyaf o’i weinidogion yn dod o’r Blaid Sosialaidd, gydag ambell aelod o Esquerra Republicana a Junts per Catalunya yn cefnogi’r weinyddiaeth newydd, ynghyd ag ambell aelod arall.
Dywed y bydd ei lywodraeth “yn llywodraethu er lles pawb yng Nghatalwnia”, ac y bydd yr iaith a’r diwylliant brodorol yn flaenoriaeth iddyn nhw.
I’r perwyl hwn, mae dwy adran newydd yn y llywodraeth, sef chwaraeon a pholisi ieithyddol.
Gweinidogion
Gweinidog yr Arlywyddiaeth – Albert Dalmau
Gweinidog yr Economi a Chyllid – Alícia Romero
Gweinidog Cartref a Diogelwch y Cyhoedd – Núria Parlon
Gweinidog Tiriogaethau, Tai a Thrawsnewidiad Ecolegol, a Llefarydd y Llywodraeth – Sílvia Paneque
Gweinidog Iechyd – Olga Pané
Gweinidog Hawliau a Chynhwysiant Cymdeithasol – Mónica Martínez Bravo
Gweinidog Cydraddoldeb a Ffeministiaeth – Eva Menor
Gweinidog Busnes a Llafur – Miquel Sàmper
Gweinidog Cyfiawnder ac Ansawdd Democrataidd – Ramon Espadaler
Gweinidog Amaeth, Pysgota a Da Byw – Òscar Ordeig
Gweinidog Addysg – Esther Niubó
Gweinidog Polisi Ieithyddol – Francesc Xavier Vila
Gweinidog Chwaraeon – Bernardo Álvarez
Gweinidog Ymchwil a Phrifysgolion – Núria Montserrat Pulido
Gweinidog yr Undeb Ewropeaidd a Materion Tramor – Jaume Duch
