‘Naw munud 29 eiliad yw’r ffigur i’w gofio’ meddai’r erlynydd mewn llys yn America ble mae cyn-blismon wedi’i gyhuddo o ladd George Floyd.

Bu farw Mr Floyd, 46, ar ôl i Derek Chauvin, sy’n wyn, bwyso ei ben-glin yn erbyn ei wddf pan oedd Mr Floyd, oedd a gefynnau ar ei arddyrnau, yn gorwedd a’i frest ar y palmant, gan grio “Alla i ddim anadlu.”

Dywedodd yr erlynydd Jerry Blackwell wrth reithgor yn ninas Minneapolis yn yr UD nad oedd Chauvin “wedi rhoi’r gorau iddi, ni wnaeth godi” hyd yn oed ar ôl i Mr Floyd ddweud 27 gwaith na allai anadlu.

Dywedodd mai naw munud 29 eiliad oedd yr amser yr oedd pen-glin Derek Chauvin ar wddf Mr Floyd wrth i’r dyn du bledio am ei fywyd.

Mae Chauvin, 45, yn gwadu llofruddiaeth ail radd anfwriadol, llofruddiaeth trydydd gradd a dynladdiad.

“Rhoddodd ei liniau ar ei wddf a’i gefn, ei grilio a’i wasgu, nes i’r anadl gael ei wasgu allan ohono,” meddai Mr Blackwell.

Dywedodd y byddai swyddog o Adran Dân Minneapolis a oedd am roi cymorth ymysg y llygad dystion

“Roedd hi eisiau gwirio ei byls, gwirio lles Mr Floyd,” meddai Mr Blackwell.

Ymyrryd

“Fe wnaeth hi ei gorau i ymyrryd.

“Doedd hi ddim yn gallu helpu.”

Arweiniodd fideo o’r digwyddiad at brotestiadau ledled y byd.

Bydd rheithgor o 14 o bobl yn clywed yr achos, wyth sy’n wyn a chwech sy’n ddu neu’n amlhiliol, yn ôl y llys.

Bydd dau o’r 14 yn eilyddion.

Nid yw’r barnwr wedi dweud pa rai fydd eilyddion a pha rai fydd yn trafod yr achos.

Disgwylir i’r achos bara tua phedair wythnos.

Mae llofruddiaeth ail radd anfwriadol yn golygu cosb o hyd at 40 mlynedd yn y carchar ym Minnesota, gyda hyd at 25 mlynedd ar gyfer llofruddiaeth trydydd gradd, ond mae canllawiau dedfrydu yn awgrymu y byddai Chauvin yn wynebu 12 1/2 flynedd yn y carchar pe bai’n cael ei gollfarnu ar y naill gosb neu’r llall.

Mae gan dynladdiad ddedfryd o 10 mlynedd ar y mwyaf.

Nododd post mortem arholwr meddygol y sir fentanyl a methamphetamine yn system Mr Floyd, ond rhestrodd ei achos marwolaeth fel “arestio cardiaidd, cymhlethu is-orfod gorfodi’r gyfraith, ataliaeth a chywasgu gwddf”.