Cafodd Jacob Blake ei saethu saith gwaith yn ei gefn gan Rusten Sheskey tra bod ei blant yng nghefn ei gar a thra roedd e’n gafael yn ei grys ar ôl i’r heddlu fethu â’i dawelu â gwn Taser.
Mae’r digwyddiad wedi arwain at ganslo gemau pêl-fasged wrth i chwaraewyr wrthod chwarae fel rhan o brotest yn erbyn y digwyddiad, ac fe wnaeth Naomi Osaka, chwaraewraig tenis, dynnu’n ôl o’i gêm gyn-derfynol mewn cystadleuaeth yn Efrog Newydd.
Cafodd llanc 17 oed ei arestio ar drydedd noson y protestiadau ar amheuaeth o ladd dau o bobol a gafodd eu saethu’n farw.
Cafodd Kyle Rittenhouse ei gludo i’r ddalfa ar amheuaeth o lofruddiaeth yn dilyn y digwyddiad a gafodd ei recordio ar ffôn symudol.
Cafodd un person ei saethu yn y pen a’r llall yn y frest, a chafodd person arall ei anafu.
