Gweddïo tros ferch Whitney Houston

Bu farw Whitney Houston ar Chwefror 11, 2012.
Mae cyn-fentor Whitney Houston wedi dweud ei fod yn gweddïo tros ei merch, Bobbi Kristina Brown.

Dywedodd Clive Davis ei fod wedi cynnig cefnogaeth a gweddi, a bod ei theulu yn ddiolchgar iawn.

Yn ôl yr heddlu fe gafodd merch 21 oed Whitney Houston a’r canwr R&B Bobby Brown ei chludo i’r ysbyty wedi iddi gael ei darganfod yn anymwybodol mewn bath yn Atlanta.

Yn ôl ei theulu mae hi’n brwydro am ei bywyd.

Bu i’w mam Whitney Houston foddi mewn bath ar ôl cymryd cyffuriau.

Meddai Clive Davies: “Wrth gwrs mae’n dorcalonnus gweld y teulu yn mynd trwy’r boen yma unwaith eto. Maen nhw’n gofyn bod y cyhoedd yn parchu eu preifatrwydd.”