Mae milwyr Israel wedi ymosod ar darged yn Llain Gaza – yr ymosodiad cynta’ ar y tir Palesteinaidd ers rhyfel 50 niwrnod yr ha’ eleni.
Mae datganiad gan Israel yn nodi eu bod wedi taro “safle tactegol gan Hamas i beri braw” yn ne Gaza.
Roedd hynny mewn ymateb i roced gafodd ei thanio gan y Palesteiniaid i mewn i dde Israel ddoe. Chafodd neb eu hanafu yn yr ymosodiad hwnnw.
Mae trigolion Palesteinaidd yn dweud iddyn nhw glywed dau ffrwydriad yn ardal Khan Yunis yn Gaza – ardal lle mae yna ganolfannau hyfforddi gwrthryfelwyr Palesteinaidd. Does dim adroddiadau o anafiadau.
