Mae teulu o bump, yn cynnwys tri o blant rhwng 4 a 12 oed, wedi ei ganfod yn farw mewn fflat yn yr Unol Daleithiau.
Mae ymchwilwyr yn dweud fod gwn wedi’i ganfod ger un o’r cyrff, ac mae’n ymddangos nad oedd neb oddi allan i’r teulu yn gyfrifol am y saethu.
Roedd ffrind i’r teulu wedi cysylltu â gweithiwr yn y bloc o fflatiau yn Saco, yn pryderus am y teulu. Fe aeth y gweithiwr, yntau, i mewn i’r fflat a dod o hyd i un corff, cyn ffonio’r heddlu yn syth bin.
Fe ddaeth yr heddlu o hyd i’r cyrff mewn tair ystafell wahanol. Mae’r gwn a ganfuwyd yn y fflat wedi’i ddisgrifio fel “gwn hir”.
Mae disgwyl i brofion post mortem gael eu cynnal heddiw.
