Mae’r Taliban wedi cipio un o gŵn lluoedd NATO yn Afghanistan, gan ryddhau fideo o’r anifail yn gwisgo offer technegol.
Mae Zabiullah Mujahid, llefarydd y Taliban, yn dweud i’r ci gael ei ddal a’i ddwyn yn ystod brwydr fis yn ôl yn nhalaith Laghman, i’r dwyrain o brifddinas y wlad, Kabul.
Mae’r fideo sydd wedi’i rhyddhau yn dangos ci brown ar dennyn, ac aelod o’r Taliban gydag o. Mae’r ci’n gwisgo siaced ac arni offer ffilmio digidol. Mae’r llais ar y fideo yn dweud fod y ci wedi’i enwi’n ‘Colonel’.
Yn ôl Zabiullah, Mujahid, mae’r ci yn iach ac yn cael ei drin yn dda.
Heddiw, mae lluoedd NATO yn Afghanistan wedi cadarnhau i un ci fynd ar goll yn ystod ymgyrch ym mis Rhagfyr.
