Nelson Mandela
Mae cyn Arlywydd De Affrica, Nelson Mandela, wedi treulio trydedd noson mewn ysbyty lle mae’n derbyn triniaeth am haint ar ei ysgyfaint.
Dywedodd llefarydd bod Mandela, sy’n 94 mlwydd oed, wedi cael ei gludo i ysbyty yn Pretoria wedi i’w gyflwr waethygu yn oriau man bore Sadwrn.
Ddoe, bu addolwyr yn gweddïo dros Mandela mewn gwasanaeth eglwys yn nhrefgordd Soweto.
Mae’r arweinydd gwrth-apartheid wedi cael ei gludo i’r ysbyty bedair gwaith ers mis Rhagfyr.
