Mae cadeirydd News Corporation Rupert Murdoch wedi cadarnhau mai 50c fydd pris y papur newydd The Sun ar ddydd Sul – sef hanner y gost am gopi o’r Sunday Mirror.
Fe gyhoeddodd Murdoch hefyd y bydd pris The Sun ar ddydd Sadwrn hefyd yn gostwng o 60c ei 50c.
“Newyddion da i ddarllenwyr a’r economi,” meddai Murdoch ar Twitter heddiw.
Dywedodd News International mai 50c fyddai pris rheolaidd y rhifyn ar ddydd Sul. Mae’r Sunday Mirror a People yn costio £1 tra bod y Sunda Express yn £1.20 a’r Mail on Sunday yn £1.50.
Fe fydd y papur yn cynnwys atodiad 28 tudalen am bel-droed ynghyd â’r cylchgrawn Fabulous. Ymhlith y colofnwyr sydd wedi cael eu penodi mae Toby Young, Nancy Dell’Olio a’r cogydd James Martin.
