Mae niwl trwchus wedi effeithio nifer o wasanaethau i mewn ac allan o feysydd awyr yn y DU heddiw.
Bu’n rhaid i Heathrow ganslo nifer o deithiau bore ma, ond dywedodd llefarydd ar ran y maes awyr bod y sefyllfa wedi gwella erbyn hyn.
Cafodd 40 o deithiau i mewn, a 24 allan o Heathrow eu canslo heddiw.
Mae’r niwl wedi effeithio gwasanaethau i Fanceinion, Glasgow, Amsterdam, Brwsel, Stockholm, Cologne a Nice.
Mae’n dilyn problemau yn dilyn niwl trwchus ddoe pan fu’n rhaid i Heathrow ganslo 81 o deithiau o’r maes awyr.
Fe fu na oedi hefyd ym meysydd awyr dinas Llundain a Leeds Bradford.
Mae Heathrow yn cynghori teithwyr i gysylltu gyda’u cwmniau teithio.
