Mae cwest wedi clywed sut y cafodd dyn ei ladd ar ôl i’w ben fynd yn sownd mewn rhan o sedd sinema.
Roedd Ateeq Rafiq, 24 oed, wedi mynd ar ei bengliniau i chwilio am ei allweddi a’i ffôn symudol pan ddechreuoedd rhan gorffwys traed y sedd gau am ei wddw.
Er i’w wraig fynd i chwilio am gymorth gan staff y sinema Vue yn Birmingham, fe gymerodd chwarter awr i’r rheiny lwyddo i’w ollwng yn rhydd.
Fe fu Ateeq Rafiq farw wythnos yn ddiweddarach o ganlyniad i anafiadau “catastroffig” i’w ymennydd.
Mae disgwyl i’r cwest barhau am wythnos.
Y cefndir
Mae 25 o sgriniau yng nghanolfan Vue yn Birmingham, gyda lle i 5,000 o bobol.
Mae tair o’r sgriniau – rhai Aur fel yr un lle bu farw Ateeq Rafiq – wedi bod ynghau ers mwy na blwyddyn ers y digwyddiad.
Mae gan Vue sawl sinema mewn trefi yng Nghymru.
